IETT në kuadër të projektit “Fuqizimi i Komunitetit të Zadrimës në Ofrimin e Shërbimeve Turistike dhe Interpretimin e Trashëgimisë Kulturore”, do të zhvillojë një program trajnues për 10 të rinj nga zona e Vaut të Dejës dhe Lezhës.
Programi synon të zhvillojë njohuritë dhe aftësitë e të rinjve në fushën e turizmit dhe trashëgimisë kulturore, duke i përgatitur ata për angazhime të mëtejshme në ofrimin e shërbimeve turistike dhe interpretimin e pasurive kulturore të zonës.
Gjatë trajnimit do të mësohet rreth:
- Interpretimit dhe promovimit të trashëgimisë kulturore;
- Produkteve dhe shërbimeve turistike;
- Vlerave kulturore dhe turistike të zonës së Zadrimës;
- Rëndësisë së trashëgimisë kulturore në zhvillimin e turizmit lokal.
Kush mund të aplikojë?
Të rinjtë që punojnë ose dëshirojnë të angazhohen si guida turistike, në sektorin e turizmit dhe trashëgimisë kulturore, në site arkeologjike e muze, në strukturat e turizmit pranë bashkive, si dhe në OJQ dhe organizata që veprojnë në zonën e Vaut të Dejës dhe Zadrimës.
𝟏𝟎 të rinj do të përzgjidhen për të marrë pjesë në program.
Ky projekt financohet nga Fondacioni Albanian Besa Capital dhe zhvillohet nga Instituti i Edukimit, Trashëgimisë dhe Turizmit, në mbështetje të zhvillimit të të rinjve, trashëgimisë kulturore dhe turizmit në zonën e Zadrimës.
Afati i aplikimit: 30 shtator 2026
Tel: +355 67 605 8044
E-mail: info@iett.al
Web: www.iett.al
