Më 23 Prill 2021, Fondacioni ABC zhvilloi trajnimin “Zhvillimi i ideve të biznesit”, në kuadër të Projektit "Krijimi i një platforme me njohuritë e nevojshme për rritjen e konkurrueshmërisë së ndërmarrjeve mikro dhe të vogla në treg" (skills4MSEs), projekt i cili po zhvillohet në bashkëpunim me Qendrën për Zhvillimin e Biznesit dhe Kulturës, KEPA, Greqi si partneri kryesor dhe partnerë të tjerë si Universiteti i Maqedonisë - Departamenti i Informatikës së Aplikuar, Komiteti Kërkimor i UOM (ELKE), Greqi; Microfond Sofia Foundation, Bullgari dhe SHKK "FEDinvest” – Shqipëri.

Trajnimi u zhvillua në Shëngjin, Lezhë, me pjesëmarrjen e 25 sipërmarrësve të rinj.

Gjatë trajnimit, pjesëmarrësit u njohën me tema të tilla që kanë të bëjnë me mënyrën se si zhvillohen idetë e biznesit, çfarë duhet pasur parasysh për arritjen e qëllimit të sipërmarrjes, cilat mund të jenë rreziqet dhe dështimet e sipërmarrjes dhe si mund ti paraprijmë atyre në mënyrë që të minimizojmë pasojat’negative, analiza e tregut dhe e industrisë ku do të zhvillohet sipërmarrja, cilat janë shanset dhe kërcënimet që mund të hasen gjatë zhvillimit të biznesit, si dhe çështje të tjera për të cilat pjesëmarrësit ishin të interesuar.

Falenderojmë pjesëmarrësit për pjesmarrjen aktive dhe diskutimet e vlefshme gjatë trajnimit.