Fondacion ABC si pjesë e projektit "Krijimi i një platforme me njohuritë e nevojshme për rritjen e konkurrueshmërisë së ndërmarrjeve mikro dhe të vogla në treg" – SKILLS4MSEs, njofton të gjithë të interesuarit se më datë 23 Prill 2021 do të organizojë në qytetin e Shëngjinit, Lezhë trajnimin “Gjenerimi i ideve të biznesit”.

Zhvilloni një ide biznesi, filloni biznesin tuaj dhe fitoni lirinë dhe pavarësinë që keni dëshiruar për pjesën tjetër të jetës tuaj.

Mësoni si të:
• Gjeneroni ide të reja biznesi;
• Përcaktoni nëse idetë tuaja të biznesit janë të mira apo jo;
• Mësoni strategji efektive për të marrë reagime mbi idetë tuaja të reja të biznesit;
• Vendosni nëse ia vlen të ndiqni idetë tuaja të biznesit.

Ky trajnim ka të bëjë me krijimin e ideve të reja të biznesit, të kuptuarit se çfarë e bën një ide të mirë ose jo, si t'i përmirësoni idetë e biznesit, si t’i zhvilloni më tej dhe si t'i testoni ato, dhe në fund të vendosni nëse do ta zbatoni atë ide apo jo.

Fondacioni ABC fton të gjithë sipërmarrësit e rinj të interesuar për të marrë më shumë informacion dhe për t’u regjistruar për të marrë pjesë në këtë trajnim duke na kontaktuar në adresën e email-it info@abcfoundation.info
Trajnimi është falas.

Projekti ka një kohëzgjatje prej 24 muajsh (deri në fund të vitit 2021) dhe bashkëfinancohet nga Bashkimi Evropian dhe Fondet Kombëtare të vendeve pjesëmarrëse.
Ju presim!