Projekti “ART TURIZËM” – Faza e II-të
Mbështetur nga Fondacioni Albanian Besa Capital (ABC)

5 – 7 Shtator 2025
Atelie, Kukës

Shoqata Kombëtare për Integrim, Zhvillim dhe Ndihmë për Shtresat në Nevojë “SH.K.I.ZH”, me mbështetjen e Fondacionit ABC, organizoi një trajnim 3-ditor në kuadër të fazës së dytë të projektit “ART TURIZËM”, projekt i financuar me fonde grant nga Fondacioni ABC.

Projekti synon të promovojë figurën e gruas artizane dhe të krijojë mundësi për zhvillim profesional, social dhe ekonomik të grave në rajonin e Kukësit, duke mbështetur ngritjen e bizneseve dhe sipërmarrjeve sociale.
Përmes këtij projekti, punës artizanale të grave i jepet vëmendja e duhur në kuadër të biznesit social. Trajnimi ndihmon gratë artizane të zhvillojnë aftësitë e tyre dhe të orientohen drejt shitjes së produkteve artizanale në tregun turistik, duke i fuqizuar për të ndërtuar sipërmarrje sociale dhe ekonomike të qëndrueshme.

Qëllimi i trajnimit
Fuqizimi i figurës së gruas artizane dhe krijimi i mundësive për zhvillim profesional, social dhe ekonomik, në funksion të ngritjes së sipërmarrjes sociale në rajonin e Kukësit.

Objektivat kryesorë
• Zhvillimi profesional i 15 grave artizane për hartimin e një plani biznesi/sipërmarrjeje sociale-ekonomike;
• Pajisja me aftësi për marketingun dhe promovimin e produkteve artizanale;
• Nxitja e integrimit të produkteve artizanale në turizmin kulturor dhe artizanal.

✨ Rezultatet e arritura
• 15 gra artizane të trajnuara për hartimin dhe zbatimin e një plani biznesi;
• 15 gra artizane të aftësuara në teknikat e marketingut digjital dhe krijimin e rrjeteve të bashkëpunimit.

Ky aktivitet përfaqëson një hap të rëndësishëm drejt fuqizimit të grave dhe zhvillimit të turizmit artizanal në Kukës, duke kontribuar në qëndrueshmërinë ekonomike dhe sociale të komunitetit lokal.

Kontributi i projektit “ART TURIZËM”
Projekti synon të:
• Zhvillojë aftësitë profesionale të grave në rajonin e Kukësit;
• Shndërrojë potencialin artizanal në vlerë ekonomike;
• Nxisë pavarësinë financiare dhe rritjen e rolit të grave në familje dhe shoqëri;
• Ruajë dhe promovojë trashëgiminë kulturore të zonës.