Fondacion ABC si pjesë e projektit "Krijimi i një platforme me njohuritë e nevojshme për rritjen e konkurrueshmërisë së ndërmarrjeve mikro dhe të vogla në treg" – SKILLS4MSEs, njofton të gjithë të interesuarit se më datë 20 Prill 2021 do të organizojë në qytetin e Elbasanit trajnimin “Aftësitë joteknike për sukses”.

Jeni sipërmarrës dhe keni nevojë për të zhvilluar aftësitë joteknike për të siguruar suksesin e sipërmarrjes tuaj?

A doni të mësoni më tepër rreth karakteristikave personale, të cilat i bëjnë njerëzit të jenë sipërmarrës të suksesshëm?

A doni të mësoni më shumë rreth aftësisë për të ndërtuar një vizion të qartë se ku doni ta çoni biznesin tuaj, aftësinë për t'u përqëndruar në atë çka është më kryesore në zhvillimin e aktivitetit, aftësinë për t'u përshtatur në rrethana të caktuara apo ndaj sfidave të reja me të cilat përballeni gjatë zhvillimit të sipërmarrjes tuaj, të menduarit krijues, motivimit, aftësive për komunikim?

Për të trajtuar të gjitha këto tema dhe për ti dhënë përgjigje pikëpyetjeve tuaja në lidhje me aftësitë personale të një sipërmarrësi, eksperti ynë i trajnimit do të jetë ditën e hënë, më 20 Prill 2021 në qytetin e Elbasanit.
Për më shumë informacion dhe për t`u regjistruar për pjesëmarrje në këtë trajnim, ju lutem kontaktoni në adresën e email-it: info@abcfoundation.info
Trajnimi është falas.

Projekti ka një kohëzgjatje prej 24 muajsh (deri në fund të vitit 2021) dhe bashkëfinancohet nga Bashkimi Evropian dhe Fondet Kombëtare të vendeve pjesëmarrëse.
Ju presim!