Fondacioni ABC - partner i projektit "Krijimi i një platforme me njohuritë e nevojshme për rritjen e konkurrueshmërisë së ndërmarrjeve mikro dhe të vogla në treg" – SKILLS4MSEs.

Fondacioni ABC, në kuadër të Projektit "Krijimi i një platforme me njohuritë e nevojshme për rritjen e konkurrueshmërisë së ndërmarrjeve mikro dhe të vogla në treg" – SKILLS4MSEs, do të organizojë një seri trajnimesh me fokus sipërmarrësit mikro dhe vegjël duke filluar nga data 21 Maj 2021.

Qëllimi kryesor i këtyre trajnimeve është: (i) Inkurajimi i sipërmarrësve ekzistues dhe potencialë për të fituar aftësi / mjete të nevojshme dhe forcimi i kapaciteteve menaxhuese me qëllim rritjen e konkurrueshmërisë së tyre, zgjerimin e aktivitetit drejt tregjeve të tjera dhe prezantimi i inovacioneve në të gjitha fazat e ciklit të biznesit. (ii) Mbështetja e mikro sipërmarrësve përmes lidhjes së tyre me ofruesit e mikrokredive që ofrojnë mbështetje financiare për kreditimin e bizneseve.

Këto trajnime do të fokusohen në kategoritë e mëposhtme:
• Aftësitë bazë sipërmarrëse
• Aftësitë ndërpersonale
• Aftësitë kompjuterike

Dhe grupet e synuara do të jenë:
• Ndërmarrjet mikro dhe shumë të vogla
• Start - ups
• Ndërmarrjet sociale
• Ndërmarrjet që duan të ringrihen
• Emigrantë me vendbanim të përhershëm në vendin e zbatimit të projektit

Projekti ka një kohëzgjatje prej 24 muajsh dhe bashkë financohet nga Bashkimi Evropian dhe Fondet Kombëtare të vendeve pjesëmarrëse.

Trajnimet do të ofrohen falas për pjesëmarrësit.

Për më shumë infomacion mbi temat e trajnimeve dhe organizimin e tyre, ju lutem kontaktoni në adresën e emailit info@abcfoundation.info.